O neno con pixama a raias

O neno con pixama a raias é un apaixoante relato contado desde a perspectiva de Bruno, un neno de 9 anos, que non é máis especial que calquera outro neno, pero si é especial o traballo do seu pai.
Este libro regaláronmo por Reis, regaláronmo pedíndome que non lese de que ía a historia, quen mo regalou sabía de que ía, pero creu acertadamente que me encantaría. E así foi, é un dos poucos libros que tantas veces me puxo a man na boca horrorizada.
Non hai medo, non hai sangue, non hai monstros, pero é horroroso, porque...
Non vou desvelar nada deste libro, pero, por favor, eu recomendo que o leades porque ás veces se nos esquece o que pasou, ás veces esquecemos o afortunados que somos...
É un libro que vou prestar a todos os meus coñecidos e vou instar a que se lea, a que o devoredes, a que o sintades, a que o corazón se vos encolla, só é unha narración dun neno de nove anos que se muda coa súa familia a vivir a unha casa ao lado dunha valla moi alta, desde onde se ve...
Sara García González (2º C, BAC)