Recomendacións lecturas do Boletín nº 1

3.- RECOMENDAMOS

3.a. PARA PEQUES
Para menores de seis anos, a colección realizada por Pepe Carreiro OS BOLECHAS, publicados por A Nosa Terra, educa, divirte e entretén. Incomprensíbel unha biblioteca infantil sen Bolechas (os irmáns Carlos, Pili, Loli, Braulio, Sonia, Tatá e o seu can Chispa).

3.b. PARA MENOS PEQUES
Calquera dos que cursen de 1º a 6º de Educación Primaria gozarán cos libros de olores e coas aventuras do rato Geronimo Stilton, publicadas pola Editorial Destino. Viaje en el tiempo, da autoría do propio Geronimo Stilton, é unha historia moi instrutiva e moi divertida.

3.c. PARA A ESO
O armiño dorme, de Xosé Antón Neira Cruz, Ed. Galaxia, conta a historia de Bianca (Bia) de Médici, filla bastarda de Lorenzo de Médici. Na súa tumba apareceu aos seus pés un armiño e un diario no que conta a súa vida. Vaivos encantar.

3.d. PARA BAC
Unha novela negra: Ollos de auga, de Domingo Villar, na Ed. Galaxia. En Vigo o inspector Leo Caldas e o seu axudante, o arroutado axente zaragozano Rafael Estévez, teñen que resolver o asasinato dun saxofonista homosexual. Moi entretida e inesperada.

3.e. PARA MAIORES
De libros en ESPAÑOL, escollemos Quattrocento, de Susana Fortes, Editorial Planeta (2007). Unha historia fascinante que recrea un crime que a Historia tardou 500 anos en resolver: a conxura do 26 de abril de 1478 contra os Médici en Florencia investigado por unha estudante galega na Florencia do s. XXI.
Das novelas en GALEGO, eliximos A xeira das árbores, de Teresa Moure, colección Medusa Narrativa da Editorial Sotelo Blanco. Conta a andaina vital, a xeira dunha muller con tres fillos. Moi entretido e realista.