AIRE NEGRO de Agustín Fernández Paz

Unha das características polas que destacaría este libro é polo seu tema, os temas sobrenaturais, a posibilidade da existencia de algo máis alá, ese tema gustoume moito. Tamén me impresionou o tratamento que lle dá, a maneira de mesturar o natural co sobrenatural, a vida cotiá con cousas que ninguén nunca crería. Esa é a principal característica que me fascinou do libro. Outro rasgo que me gustou foi como trata o tema do amor, Laura desde adolescente está namorada de Carlos e, a pesar de que hai outro home na súa vida, o recordo do seu primeiro amor non se esvae. Tamén destacaría do libro a súa facilidade de lectura e a utilización do flash-back que fai a lectura máis amena. Algo que non me convenceu de todo foi o tráxico final. Para o meu gusto, cambiaríao.
Sarela Barreiro, 4º ESO