PAROLANDO CON PERE TOBARUELA

 O martes 22 de novembro tiñamos unha cita moi esperada. Íamos á Libraría Couceiro para termos un encontro co escritor Pere Tobaruela, do que algúns leran o libro Na cerna da selva e outros leran A cripta do Apóstolo, e a profe Poñente, a súa última novela en galego para maiores. O que máis nos chamou a atención foi que, sendo catalán, escribe en galego, e que veu vivir a Galiza hai seis anos, por amor. Que bonito!


Ao pasarmos pola Alameda, fixemos unha foto coas dúas Marías. Aí estamos, 3º T.

Pere Tobaruela pareceume un rapaz tan normal como calquera outro, ao que non se lle subiron os aires á cabeza por ser escritor. Polo tanto a charla que nos dou foi moi agradable, xa que falaba connosco de todo, preguntabamoslle o que queriamos e el respondía a todo sen nengún problema. As respostas que dou ás nosas preguntas foron moi claras, e nótase que sabe do  

que fala, que ten interese polos temas dos que realiza o seu libro. Quizá a charla podería durar un pouco máis, pero estivo moi ben.

              Marta Gesto Suárez, 3º T

O encontro con Pere Tobaruela encantoume moito, porque me pareceu un home que se interesa moito polos seus lectores e gústalle estar en contacto coa xente, e vese que é unha persoa humilde, e moi simpática connosco. Tamén me gustou que nos contase anécdotas dos seus compañeiros de profesió e as súas propias, e que falaramos a fondo dos libros que algúns da clase leramos previamente, e explicounos como se lle ocuriran ou como tivo que facer para comezar a escribilos. Foi moi amable connosco, aínda que tiña apuro por marchar, sacou fotografías connosco, adicounos libros... E eu son o de verde que escoita tan atentamente, en primeira fila, eh???

Pablo Romero Pérez, 3º T 

 Pere Tobaruela pareceume unha persoa do máis normal, un pouco inquieto, pero normal,chamoume a atención que levara pendentes, normalmente os escritores son máis serios, non sei.

Caeume moi ben. O único problema que ten é que, cando lle faciamos algunha pregunta, falaba dun monte de cousas, pero non respondía a pregunta, ou iso me parecía a min.

É un bo escritor, eu estou lendo o seu libro Na cerna da selva e de momento gústame. Caeume ben, porque non parecía o típico que só por ser escritor xa se cre dos mellores ou algo polo estilo.

Delfina Lucía Francisco Lumingu, 3º T 

De: Alicia no país das marabillas.

Para: Pere Tobaruela, un gran escritor que non busca na wikipedia e ten un gran traballo, que nos inspira a moitos.

         A charla de Pere Tobaruela foi unha das cousas que máis me gustou da visita. Foi moi cercano a nós e non só pola forma de andar ao redor de nós, senón por como se expresaba e nos facían entender ao que el se adica.

Gustoume moito a súa forma de falar sobre Galicia,  

supoño que nós non nos damos conta das moitas cousas que dixo sobre ela, xa que el, ao ser estranxeiro e vir para aquí, dálle máis importancia a cousas que nós non lle damos.

Chamoume a atención o seu galego case perfecto e como contestou a miña pregunta, pensei que se enfadara polo da wikipedia, pero foi moi amable de dicirme todo o que traballara para facer aquela gran descrición que tiña de África o libro.

Foi moi divertida a pregunta que nos contou de "De que vai o libro?", que lle fan sempre os da prensa, e que nos contou en segredo que a súa opinión é que os xornalistas deberían informarse antes, coincido con el. Tamén foi moi amable en convidarnos a levarnos con el a esa viaxe, e á hora de sacar as fotos, e a súa dedicatoria que me fixo no marcapáxinas.      Alicia Fernández González, 3º T

O encontro co escritor Pere Tobaruela estivo moi ben, e unha das razóns diso foi que, en vez de facer coma outros que falan e falan sen parar, fixo a súa charla máis dinámica e didáctica animando a que os rapaces lle preguntasen e comentasen. Escoitándoo  entereime de moitas cousas, como que está en Galicia por amor  e que Galicia lle gusta                                                                      máis que Barcelona polo seu ritmo de vida,

Para o Clube de lectura Outros mundos para-lelos.
Un libro, un mundo. Compartir é vivir.
Pere Tobaruela. Outono 2011.

tamén aprendín que para escribir un conto sobre outro país non fai falta ir a el, só chega con informarse moito. Impresionoume que co tempo que leva en Galicia fale tan ben o galego e mesmo que teña algo de acento.     
     Manuel Castro Búa, 3º T 

A charla con Pere Tobaruela pareceume o máis divertido da visita. Contounos as razóns polas cales el escribía, a lóxica dos seus libros, etc... Ademais amosouse moi amable connosco, deixábanos dar a opinión dos libros que leramos, como A cerna da selva ou A cripta do apóstolo e enumerounos as razóns polas cales quería resaltar os temas que trata súas  novelas.
                                                                                     Tamara Cerqueiro Rey, 3º T

  

A charla con Pere Tobaruela pareceume moi interesante, porque estivo moi cercano a nós, moi amable, contestou a todas as nosas preguntas, falou educadamente, en galego, sendo catalán, explicou moi ben as 

cousas, asinounos o que lle pedimos, foi moi

Para o Clube de lectura Outros mundos para-lelos.
Galicia-Cataluña, os meus mundos con lingua propia.
Pere Tobaruela. Outono 2011

xentil con todos nós, explicou moi ben os seus libros, as informacións, díxonos como é a vida dun escritor profesional e explicóunola moi ben. Realmente foi moi amable e paréceme que o feito de que se reúna connosco un escritor profesional, que nos explique cousas da súa vida, que nos trate tan ben, que nos asine libros e marcapáxinas, que conteste as nosas preguntas sobre el e máis sobre os seus libros e que nolos explique, está moi ben e demostra que é unha persoa completamente normal, coma calquera de nós, e que como el nos dixo "ser escritor non é inaccesible, é unha profesión como calquer outra". Pareceume ben que nos incitase a ser escritores, e que nos falara galego, en vez de castelán, porque sendo catalán, non tiña por que esforzarse en falar galego tanto, sempre e tan ben.

                 Ana Seijo Calvo, 3º T



A libraría Couceiro, un lugar de encontro para a lectura:
libros, lectores e escritores.